НОК-оос сар шинийн баярыг цахимаар зохион байгуулах хүсэлт тавилаа

2022-01-18 318 0

УОК-ын Нэгдсэн шуурхай штабын орлогч дарга, хошууч генерал Г.Ариунбуян, Нэгдсэн шуурхай штабын нарийн бичгийн дарга, дэд хурандаа Т.Баярхүү нар өнөөдөр Нийслэлийн Онцгой Комиссын Шуурхай штабт ажиллалаа.

Энэ үеэр нийслэлийн онцгой комиссоос Улсын онцгой комисст хандан сар шинийн баяр болон олон нийтийг хамарсан үйл ажиллагааг хоёрдугаар сарыг дуустал цахимаар зохион байгуулах арга хэмжээ авахыг хүслээ. 

Тодруулбал, Монгол Улсад коронавирусний Омикрон хувилбарын тархалт буурахгүй бол нийслэлд халдвар хамгийн их тархаж, эрсдэл үүснэ гэж үзжээ. Тиймээс Цагаан сарын баярыг цахимаар тэмдэглэх, хурал, цуглаан, сургалт зэрэг олон нийтийн арга хэмжээг хоёрдугаар сарыг дуустал цахимаар зохион байгуулах, Худалдаа, үйлчилгээний байгууллагууд нэмэлт тунд хамрагдсан иргэдэд үйлчлэх, дархлаажуулалтын түр цэгийн тоог нэмэгдүүлэх зэрэг арга хэмжээг УОК-ын хэмжээнд хэлэлцэн шийдвэрлэж өгөхийг хүссэн байна.

НОК-ын Шуурхай штабын дарга Р.Дагва “Нийслэлийн хэмжээнд коронавирусний халдвартай зэрэгцэн хүүхдүүдийн дунд томуу, томуу төст өвчний идэвхжил нэмэгдэн, эмнэлгийн ачаалал ихсэж, хүндрэх эрсдэлтэй байна. Түүнчлэн төвийн зургаан дүүргийн эрүүл мэндийн байгууллагуудын үйл ажиллагаанд хийсэн хяналтаар улаан бүсийн эмнэлгийн ажилчдын 21 хувь нь халдвар авснаас үүдэлтэй эмч, эмнэлгийн ажилчид дутагдалтай байна. Нийслэлийн хэмжээнд тандалтын баг 24 цагаар, Өрхийн эрүүл мэндийн төвүүд уртасгасан цагаар ажиллаж байна. Тандалтын багт халдварын оргил үед 91 тээврийн хэрэгслийг дайчлан ажиллуулж байсан бол одоо 20 тээврийн хэрэгсэл ажиллаж байна. Өрхийн эмнэлэгт сайн дурын 10 жолооч, тээврийн хэрэгслийг нэмэлтээр  ажиллуулж байна. ЭМЯ-ны дэргэдэх эрдэмтдийн багийн зөвлөгөөг чиг болгон баримталж, иргэдэд чиглэсэн тандалт болоод эмчилгээ үйлчилгээг цаашид ч үзүүлэхээр шамдан ажиллана” гэв.

Харин нийслэл дэх халдварын нөхцөл байдлын талаар Нийслэлийн Эрүүл мэндийн газрын дарга Б.Бямбадорж Коронавируст халдварын тохиолдлын тоо 2022 оны нэгдүгээр сарын 3-ны өдрөөс огцом нэмэгдсэн. Нэгдүгээр сарын 1-3 дахь долоо хоногт хоногийн дундаж тохиолдол 3180-д хүрээд байна. Энэ нь  өмнөх долоо хоногоос 34.9 хувиар өссөн үзүүлэлт юм. Гэрээр болон эмнэлэгт хэвтэн эмчлүүлэгчдийн тоо нэгдүгээр сарын 6-ны өдрөөс мөн нэмэгдэж, өнөөдрийн байдлаар 23.642  хүн гэрээр эмчлүүлж байна. Энэ удаагийн халдварын онцлог нь нийт иргэдийн дунд халдварын тохиолдол огцом нэмэгдсэнээс эрсдэлт бүлгийн хүн амд хүндрэл учрах магадлал өндөр байна” хэмээв.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Санал өгсөн иргэдийн 81.1 хувь нь замын хөдөлгөөнд цагдаагийн оролцоог хязгаарлахыг дэмжжээ

Улаанбаатар хотын замын хэт их ачааллыг бууруулах зөөлөн бодлогын хүрээнд авч хэрэгжүүлэх арга хэмж

2022-05-20

Зургадугаар сарын 1-ний өдрөөс эхлэн цахилгааны төлбөрөө хэрэглэгч өөрөө БҮРЭН ХАРИУЦНА

Монгол Улсын Засгийн газрын 410 дугаар тогтоолын дагуу 2022 оны нэгдүгээр сарын 1-ээс 2022 оны тавд

2022-05-20

Барилгын материалын үнийн өсөлтийн асуудлаар байнгын ажиллагаатай ажлын хэсэг байгуулахаар боллоо

Холбогдох албаныхан санал солилцож, зах зээлд зохиомлоор дотоодын болон импортын барилгын материалы

2022-05-19