Нас барсных нь 100 жилийн ойгоор Лениний шарилыг бунхнаас шилжүүлэх үү?

2021-12-28 819 0

Оросын олон нийтийн дунд Лениний занданшуулсан шарилыг цаашид яах талаарх маргаан байнга гардаг. Ялангуяа Зөвлөлт Холбоот Улс задарсны 30 жилийн ойн үеэр энэ сэдэв илүү нухацтай хөндөгдөж байна. Өнгөрсөн Бямба гарагт уг түүхт ойн өдөр тохиосон юм.

Тэгвэл Кремлийн хэвлэлийн төлөөлөгч Дмитрий Песков сэтгүүлчийн “Лениний нас барсны 100 жилийн ойн үеэр буюу 2024 онд ямар нэг арга хэмжээ авах талаар төлөвлөж буй эсэх”-ийг тодруулахад,

“Энэ талаар ямар нэг төлөвлөгөө байхгүй байгаа. Одоохондоо бидэнд шийдлээ хүлээсэн илүү чухал асуудлууд олон байна” гэж хариулжээ.

1930 онд Лениний бунхныг Кремлийн ханын дэргэд, Улаан талбайд шинээр нээсэн нь олон улсын жуулчдын чухал үзмэр болсон юм.

Өнгөрсөн сард Оросын үнэн алдартны сүм хийдийн гадаад харилцааны тэргүүн хэзээ нэг цагт Оросын олон нийт зөвшилцөлд хүрвэл Лениний шарилыг бунхнаас гаргаж, оршуулах хэрэгтэйг хэлж байжээ.

Өнгөрсөн онд явуулсан санал асуулгад оролцогсдын 40 хувь нь Лениний шарилыг бунхнаас гаргаж, оршуулах ёстой гэсэн бол 22 хувь нь хэвээр үлдээхийг дэмжсэн байна.

Энэхүү санал асуулгын өмнөхөн Оросын үндсэрхэг үзэлтэй улс төрчдийн нэг Владимир Жириновский хувьсгалын удирдагчийн шарилыг Хятад, Вьетнам зэрэг коммунист улсуудад зарах санаа гаргаж байжээ.

Лениний бунхан, Кремлийн ордон, Улаан талбайн цогцолбор хамтдаа 1990 онд Юнескогийн дэлхийн өвийн жагсаалтад бүртгэгдсэн юм.

Эх сурвалж: Russia Today

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

“Болор Цом-43” наадмын тэргүүн байрын шүлэг “Үг”

Монголын Зохиолчдын Эвлэлээс жил бүр зохион байгуулдаг “Болор цом” яруу найргийн наадам боллоо. “Бол

2025-11-27

“Монгол бахархлын өдөр”-т зориулсан “Чингис хаан цом”-ын төлөөх барилдаанд 128 бөх барилдана

Их эзэн Чингис хааны мэндэлсний 8636 жилийн ой, “Монгол бахархлын өдөр”-т зориулсан “Чингис хаан цом

2025-11-18

Монголын баг Нэтфликсийн “Physical: Asia” шоуны шилдэг дөрөвт багтлаа

Нэтфликсийн “Бие бялдар Ази” реалити шоуны шилдэг дөрвөн багт БНСУ, Япон, Монгол, Австралийн баг

2025-11-12