Өнөөдөр орой 18:00 цагаас төв талбайд манлай начин Э.Энхбат агсны дурсгалыг хүндэтгэж зул өргөнө.
Улсын начин Э.Энхбат нь өөрийн багын найз, Хөдөлмөрийн баатар Н.Түвшинбаярт зодуулсны улмаас тархиндаа ноцтой гэмтэл авч удаан хугацааны турш эмчилгээ хийлгэж байсан билээ.
Өнгөрөгч дөрөвдүгээр сарын 2-нд Н.Түвшинбаяр согтууруулах ундаа хэрэглэсэн үедээ начин Э.Энхбатыг зодож, хүнд гэмтээсэн ба түүнээс хойш тэрээр БНСУ-д эмчлүүлж байсан ч тус улсын эмч нарын зүгээс найдваргүй гэдэг хариу авч, эх оронд нь авчраад удаагүй байсан юм.
Улсын өсөх идэр, өрнөн дэлгэрэх начин Э.Энхбат агсны дурсгалыг хүндэтгэж мянган зул өргөх арга хэмжээг үндэсний бөхийн “Та бөхтэй танилц”сошиал хуудсыг хөтлөгч Б.Сүнжидмаа гэх бүсгүй санаачилсан ба мянган зулыг Улсын арслан Э.Оюунболд начныхаа буянд зориулан өгсөн байна.
Талийгаачийн гэр бүл, төрөл төрөгсөд, найз нөхдөд гүн эмгэнэл илэрхийлье.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй