ХӨСҮТ-ийн ерөнхий захирал Ц.Билэгтсайхан иргэдэд хандан дараах сэрэмжлүүлгийг хүргэж байна.
Тэрбээр “Омикрон вирусийн халдвар манай улсад зөөвөрлөгдөж ирэх эрсдэл өндөр байгаа учир хилийн тандалтыг эрчимтэй хийж байна.
11-р сарын 28-аас эхлэн хилийн тандалтын үйл ажиллагааг эхэлсэн бөгөөд агаарын хилээр өнөөдрийг хүртэл 48 нислэгээр 5411 зорчигч ирсэн. Гадаадаас ирсэн зорчигчдоос түргэвчилсэн болон PCR шинжилгээ авч байна.
Шинжилгээгээр 12 улсаас 38 зөөвөрлөгдсөн тохиолдол илэрсэн.
Эдгээрээс:
- Турк- 14
- Арабын нэгдсэн Эмират улс- 10
- Тайланд- 4 тохиолдол батлагдсан. Гэхдээ омикрон хувилбар бүртгэгдээгүй.
Халдвар гадаад руу явсан аяллын группээс илэрч байна. Иймд иргэд онцын шаардлагагүй бол гадаад руу аялахгүй байхыг хүсье. Омикрон хувилбар бүртгэгдсэн улс орнуудаас ирсэн иргэд 10 хоног тусгаарлах байранд орно. Харин омикрон хувилбар бүртгэгдээгүй орноос ирсэн иргэд 10 хоног гэрийн тусгаарлалтад байх юм.
Иргэд гадаадаас ирсэн хүнтэй 10 хоногийн дотор уулзахгүй байхыг зөвлөмөөр байна” гэлээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй