Говь-Алтай аймгийн Хантайшир бөхийн дэвжээ үүсэн байгуулагдсаны 20 жилийн ойд зориулсан улс, аймгийн алдар цолтой 128 бөхийн барилдаан энэ сарын 19-нд Монгол бөхийн өргөөнд болох аж.
Барилдах бөхчүүдийг арванхоёрдугаар сарын 17, 18-ны өдрүүдэд бүртгэх ба түрүү бөхийг таван сая төгрөгөөр урамшуулах юм байна.
Мөн тус дэвжээний 20 жилийн ойд зориулсан үндэсний бөхийн өсвөр үеийн баруун бүсийн аварга шалгаруулах барилдаан энэ сарын 21-22 ны өдрүүдэд Говь-Алтай аймгийн Биеийн тамир, спортын газар зохиогдоно. Барилдаанд Говь-Алтай, Ховд, Увс, Баян-Өлгий, Завхан аймгийн өсвөрийн бөхчүүд оролцох юм.
“Хантайшир” дэвжээний түүх 2001 оноос эхтэй бөгөөд Монгол Улсын заан Р.Давааням, улсын начин Б.Пүрэв нар тус дэвжээг үүсгэн байгуулжээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй