Т.Доржханд: ХҮН-ын өмнөөс жүжиг тоглосон нөхөд хуурамч тамга ашигласан нь тогтоогдсон

2020-10-04 192 0

Захиргааны хэргийн шүүх ХҮН-ыг сонгуульд оролцуулахыг баталгаажуулсан Нийслэлийн сонгуулийн хорооны бүртгэлийг түдгэлзүүлэх захирамж гаргасан билээ. Шалтгаан нь ХҮН-ын нэр дээр хоёр баримт бичиг хүргүүлэн орон нутгийн сонгууль оролцох хүсэлт гаргасан байна. 

Тодруулбал, орон нутгийн сонгуулийн ХҮН-ыг үүсгэн байгуулагчдын зүгээс Нийслэлийн намын хорооны даргаа шинээр томилсон тухай мэдээлсэн.  

Тэгвэл ТЕГ-аас С.Зоригтбаатар, О.Бямбадэлгэр /ХҮН-ыг үүсгэн байгуулагч/ нарын ашиглаж буй тамга тэмдэг Улсын бүртгэлийн газарт бүртгэлгүй болохыг тогтоожээ. ХҮН-ын нэрээр хуурамч тамга тэмдэг ашиглаж байсан гэсэн үг. 

Энэ талаар ХҮН-ын удирдах зөвлөлийн дарга, УИХ-ын гишүүн Т.Доржханд өөрийн цахим хуудаст бичсэн байна. Тэрээр “Хөдөлмөрийн Үндэсний Намыг дэмжигч 200.0 мянга гаруй сонгогч нартаа сайхан мэдээ хүргэе. Миний бие ТЕГ-т гурван долоо хоногийн өмнө хүсэлт уламжилж өнөөдөр хариу авлаа. 

Манай намын өмнөөс хурал хийж, жүжиг тоглосон нөхөд хүчингүй, хуурамч тамга ашиглан сонгуулийн байгууллага болон шүүхэд хандсан нь тогтоогдлоо. Манай төрийн албанд шударгаар ажиллаж байгаа ажилтнууд байгаад баяртай байна.

Монголын хууль, шүүхийн байгууллагад захиалгаар, хуумгай шийдвэр гаргадаг шүүгч олон биш байгаасай гэдэгт итгэхийг хүсч байна. Энэ чиглэлээр шинэчлэлийг хийхэд тууштай анхаарч ажиллана” гэжээ. 

Гэсэн хэдий ч Захиргааны хэргийн шүүхээс шүүгчийн захирамжаа цуцлахгүй бол тус нам нийслэлийн ИТХ-ын сонгуульд оролцох боломжгүй юм.   

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

АТГ: УИХ-ын гишүүн С.Батболдыг шалгаагүй, энэ бол худал мэдээлэл

УИХ-ын нэр бүхий 8 гишүүнийг АТГ шалгаж байгаа тул бүрэн эрхийг нь түдгэлзүүлэх болсон тухай хэвлэл

2020-10-27

Өрхийн дундаж зарлага 1.5 сая төгрөг гэсэн судалгаа гарсан, тэгэхээр 2 ахмад нийлээд ч амьжиргааны зардлаа гаргаж чадахгүй байна

УИХ дахь Ардчилсан намын бүлгээс бүлгийн хурлаар хэлэлцсэн асуудлын талаар болон цаг үеийн асу

2020-10-26

Г.Ёндон: Надаас гадна компаниас урамшуулал авч байсан ажилчид бий

Хүүхдийнхээ сургалтын төлбөрийг төрийн өмчит байгууллагаас шилжүүлсэн гэх асуудалд Уул Уу

2020-10-26