Н.Төгсцогт “Цэрэг” Кобиа Брийдитэй энэ сарын 19-нд тулалдана

2020-09-13 1272 0

Гавьяат тамирчин, сонирхогчдын боксын Олимп, дэлхийн мөнгөн медальт, Мэргэжлийн боксын IBO холбооны 57.2 кг-ийн жингийн Дэлхийн аварга болж, WBC холбооны мөн жинд Дэлхийн аварга цол, бүсийн төлөө тулаанд өнгөрөгч хоёрдугаар сард тоглож, оноогоор ялагдсан “KING TUG” Н.Төгсцогт энэ сарын 19-нд Барбадосын ”Soldier” Кобиа Брийдитэй тулалдана.

К.Брийди нь энэ жил 28 настай, 2014 онд мэргэжлийн бокст орохоосоо өмнө сонирхогчдын боксоор Барбадосын өмнөөс Олимпийн наадам, Хамтын нөхөрлөлийн орнуудын наадамд оролцож байсан, мэргэжлийн боксын рингэнд “Soldier” (Барбадосын армид алба хааж байсан тул ийм хоч нэр авсан гэнэ) хочтой гарч, 15 удаа ялалт ( 5 КО) байгуулсан, одоогоор ялагдаж үзээгүй яваа боксчин юм.

Тэрбээр 163 см өндөр нуруутай, хоёр гарын алд 155 буюу өөрөөр хэлбэл жижиг биетэй, чац бага тамирчин. “Цэрэг” АНУ-ын нийслэл Вашингтон Ди Си хотноо бэлтгэлээ хийдэг аж.

Хоёр боксчны тулааныг SHOWTIME тв сувгаар 2020 оны есдүгээр сарын 19-ний орой Америкийн баруун эргийн цагаар 18:00 цагаас шууд дамжуулан үзүүлэх юм.

Н.Төгсцогт “King Tug” Барбадосын “Цэрэг” Кобиа Брийдитэй title eliminator буюу Дэлхийн аварга цол, бүсний төлөө тулалдах эрхийн тулаанаа хийх бэлтгэлээ төлөвлөгөөний дагуу амжилттай дуусгаад АНУ-ын зүүн эргийг зорих гэж байна.
Амжилт хүсье! Монгол хүн, монгол бичиг хоёр минь үргэлж босоо байг ээ!

Ц.Энхтүвшин

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

ҮСХ: Хамгийн урт нэртэй ахмадын нэр Доржсүрэнжанцанхорлоонэргүйбаатар

Маргааш Олон улсын ахмадын баярын өдөр. Энэ өдрийг угтан Үндэсний статистикийн хорооноос ахмад нас

2025-09-30

Улсын олимпиадын хуваарийг баталлаа

Боловсролын ерөнхий газрын даргын 2023 оны 12 дугаар сарын 04-ний өдрийн А/420 дугаар тушаалын хавср

2025-09-26

ОБЕГ: Хүүгийн цогцсыг төөрсөн газраас 3-4 км-ын зайд байсныг олсон

Хөвсгөл аймгийн Онцгой байдлын газарт Тариалан сумын Баянхошуу багийн “Сайхан мод” гэх газарт бага н

2025-09-25