“Хүүхдийг нь зодсон гэх шалтгаанаар аав нь багш нарыг зодож байна” гэх тайлбар бүхий бичлэг өчигдөр нийгмийн сүлжээнд цацагдсан.
Тэгвэл тухайн бичлэг нь энэ оны наймдугаар сарын 29-ний өдөр Малайз улсад болсон гэдгийг цагдаагийн байгууллагаас мэдээллээ.
Тодруулбал, уг бичлэг Малайз улсын хүүхэд асрах төвд дөрвөн настай хүүг багш нь зодож байгаа дүрс бичлэг CCTV дэх камерт өртжээ. Асран хамгаалагч нь тус бичлэгийг үзэж, улмаар хүүхэд асрах төвийн хоёр багшийн биед халдсан байна.
Иргэдийг цахим сүлжээнд зураг, бичлэг нийтлэхдээ эх сурвалжийг дурдаж, олон нийтэд ташаа мэдээлэл түгээхгүй байхыг цагдаагийн байгууллагаас зөвлөж байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй