“Монгол бахархал”-ын өдрөөр “Чингис хаан” одон гардуулахгүй

2020-11-15 173 0

Билгийн тооллын өвлийн тэргүүн сарын шинийн 1, Их эзэн Чингис хааны мэндэлсний 858 жилийн ой, “Монгол бахархал”-ын өдөр тохиож байна.

Энэ өдрийг тохиолдуулан Монгол Улсын Ерөнхийлөгч 2005 оноос эхлэн улс орныхоо тусгаар тогтнол, бүрэн эрхт байдал, үндэсний эв нэгдлийг бататган бэхжүүлэх, төрт ёс, түүх соёлынхоо уламжлалыг гүнзгий судалж, хойч үедээ өвлүүлэх, тэдгээрийг дэлхий дахинд сурталчлан таниулах үйлсэд үнэтэй хувь нэмэр оруулж, төр, нийгэм, үндэстний өмнө онцгой гавьяа байгуулсан нэг иргэнийг “Чингис хаан” одонгоор шагнадаг уламжлалтай.

Ерөнхийлөгчийн Тамгын газраас “Чингис хаан” одонгоор шагнах хүнийг “Монгол бахархал”-ын өдрөөс гурав хоногийн өмнө нийтэд мэдээлдэг.

Гэвч энэ жил цар тахлын халдвар газар авч, улс даяар Гамшгаас хамгаалах бүх нийтийн бэлэн байдлын зэрэгт шилжсэнтэй холбоотойгоор энэхүү өдрийг тэмдэглэхийг цуцалсан байна.

Өөрөөр хэлбэл, энэ өдөр олон хүн цуглуулсан ямар нэгэн баярын арга хэмжээ зохион байгуулахгүй, “Чингис хаан” одонгоор хүн шагнахгүй байх шийдвэрийг Ерөнхийлөгчийн Тамгын газраас гаргажээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Я.Содбаатар: Бизнесийн байгууллагуудын үйл ажиллагааг үе шаттайгаар нээхээр төлөвлөж байна

Монгол Улсын Шадар сайд, Улсын онцгой комиссын дарга Я.Содбаатар өнөөдөр МҮХАҮТ болон Бизнес эрхлэ

2020-12-04

Нийслэлийг 2021-2025 онд хөгжүүлэх таван жилийн үндсэн чиглэл”-ийг баталлаа

НИТХ-ын ээлжит II хуралдаан болж, “Нийслэлийг 2021-2025 онд хөгжүүлэх таван жилийн үндсэн чиглэл” д

2020-12-04

70.000 өрхөөс тус бүр нэг иргэнийг “Ковид-19” халдварыг тандах, илрүүлэх шинжилгээнд хамруулна

Монгол Улсын Засгийн газрын хуралдаанаас гарсан шийдвэрийн дагуу нийслэлийн хэмжээнд халдвар голомт

2020-12-04