Умард Солонгосын удирдагчид Хятадын хилээр зөвшөөрөлгүй давж ирсэн хүмүүсийг өчиггүй буудах тушаал өгчээ

2020-09-12 170 0

Өмнөд Солонгос дахь АНУ-ын цэргийн командлагч өчигдөр Коронавирусийн тахлаас сэргийлэхийн тулд Умард Солонгосын удирдагчид Хятадын хилээр зөвшөөрөлгүй давж ирсэн хүмүүсийг өчиггүй буудах тушаал өгсөн тухай мэдээлжээ.

Умард Солонгос өнөөдрийн байдлаар коронавирусийн халдварын ганц ч тохиолдол илрээгүй гэсэн мэдээллийг Дэлхийн Эрүүл Мэндийн Байгууллагад өгч байгаа.

Халдварыг хязгаарлах зорилгоор тус улс өөрийн гол холбоотон Хятад улстай залгаа хилээ энэ оны нэгдүгээр сараас эхлэн хаасан юм.

Гэвч сүүлийн үед Умард Солонгосын дотоодод эдийн засгийн байдал хүндэрснээс Хятадын талаас нууцаар бараа бүтээгдэхүүн нэвтрүүлэх явдал нэмэгдсэн нь ийм хатуу арга хэмжээ авахад хүргэсэн байж болзошгүйг Өмнөд Солонгос дахь АНУ-ын зэвсэгт хүчний командлагч Роберт Абрамс мэдээлжээ.

Умард Солонгосын эрх баригчид Хятадын хилийн шугамаас дотогш 1-2 км үргэлжлэх буферын бүс шинээр үүсгэж, хамгаалалтыг чангатгасан ба энэ бүсэд нэвтэрсэн хэнийг ч шууд буудах тушаал өгсөн гэнэ.

Хил хааснаас Умард Солонгост Хятадаас нийлүүлдэг бараа бүтээгдэхүүний хэмжээ 85 хувиар унасан гэж тооцоолж байгаа аж.

Үүнээс гадна тус улс саяхан болж өнгөрсөн Майсак далайн хар салхинд нэрвэгдэж, ихээхэн хохирол амссан юм. Энэ гамшгийн үеэр 2,000 гаруй өрх айл орох оронгүй болсон гэсэн мэдээлэл байна.

“Пёньяны дэглэм яг одоо гамшгийн дараах сэргээн босголт, коронавирусийн халдвараас сэргийлэхэд бүх анхаарлаа хандуулаад байгаа тул ойрын үед зэвсгийн туршилт, өдөөн хатгасан ажиллагаа явуулахгүй байх төлөвтэй байна” гэж Роберт Адамс CSIS (Center for Strategic and International Studies) байгууллагаас зохион байгуулсан онлайн чуулганд оролцох үеэрээ мэдээлжээ.

Эх сурвалж: AFP

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Э.Бат-Үүлийн шүүх хурлыг дахин хойшлуулж, 10 дугаар сарын 28-нд товложээ

Э.Бат-Үүл нарын 11 хүнд холбогдох Эрүүгийн хэргийн шүүх хурлыг аравдугаар сарын 28 хүртэл дахин хо

2020-10-01

Хархорин сумаас Улаанбаатар явах чиглэлийн замын гарах хөдөлгөөнийг түр хаажээ

Ихэнх нутгаар өнөөдөр нойтон цас орж, орон нутгийн зарим чиглэлийн замын хөдөлгөөнд халтиргаа гулга

2020-09-30

SOS: Цаг агаарын ГАМШИГТ ҮЗЭГДЛЭЭС сэрэмжлүүлж байна

Өнөөдөр буюу есдүгээр сарын 30-нд Архангай, Төв аймгийн нутаг, Өвөрхангайн хойд, Булганы өмнөд хэсг

2020-09-30