Гавьяат жүжигчин, дуучин Хайдавын Төмөрбаатар таалал төгсжээ

2020-09-10 134 0

“Сэтгэлийн жигүүр”, “Бүсгүй минь чи инээмсэглэж яваарай”, “Сайн байна уу, Улаанбаатар минь” зэрэг олон сайхан уран бүтээлээрээ ард олондоо хайрлагдсан гавьяат жүжигчин, дуучин Хайдавын Төмөрбаатар таалал төгсжээ.

Тэрээр Хөгжим бүжгийн дунд сургууль болон хуучнаар ЗХУ-ын Львов хотын Хөгжмийн дээд сургуулийг төгөлдөр хуурчийн мэргэжлээр төгссөн бөгөөд Улсын филармонийн “Баян Монгол” чуулгыг үндэслэгчдийн нэг, Монголын эстрадын урлагийн тод од байв.

Х.Төмөрбаатар нь Улсын филармонийн “Соёл Эрдэнэ”, “Баян Монгол” чуулгад гоцлол дуучин, уран сайхны удирдагчаар ажиллаж байсан ба оюутан ахуйдаа Киев хотноо болсон оюутан залуусын эстрад дуучдын уралдаанд оролцож түрүүлснээс эхлээд ОХУ-ын Сочи, Германы Дрезден, Чехословакийн Братислав зэрэг гаднын улс орнуудад болсон тэмцээнд амжилттай оролцож, Монголын эстрад урлагийг дэлхий дахинд сурталчлахад онцгой хувь нэмэр оруулсан уран бүтээлч билээ.

Түүний гэр бүл, төрөл төрөгсдөд гүн эмгэнэл илэрхийлье. Сайн төрлийг олох болтугай.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Дотогш урссан нулимс буюу Сономын Удвал

20 дугаар зууны Монголын хамгийн гайхамшигт эмэгтэй, төр, нийгмийн нэрт зүтгэлтэн, төрийн шагналт з

2020-09-24

Ц.Алдармаа: Одоо надад цаашид амьдрах итгэл алга

Жүжигчин Ц.Алдармаагийн өөрийн амьдралаас сэдэвлэсэн “Эхиймаа” кино есдүгээр сарын 11-ний өдрөөс бү

2020-09-21

Ц.Хүсэлбаатар: Тэр хүү царай зүсээрээ Р.Чойном гуайтай хачин адилхан юм билээ

Найруулагч Ц.Хүсэлбаатар өөрийн нүүр номын хуудаснаа нэгэн сонинхолтой мэдээлэл оруулжээ. Тэрээр "

2020-09-19