ХҮН-ын нэр дэвшигчид НИТХ-ын сонгуульд өрсөлдөхөөр болов

2020-10-06 174 0

Хөдөлмөрийн Үндэсний намынхан дотоод асуудлаас болж нийслэлийн ИТХ-ын сонгуульд оролцох эрхээ шүүхээр хасуулаад байсан. Тэгвэл тус намын нэр дэвшигчид сонгуульд оролцох боломжтой болсон талаар ХҮНамын албан ёсны цахим хуудсаар мэдээллээ.

ХҮНамын Нийслэлийн намын хорооны дарга Пүрэвсүрэнгийн Наранбаяр “ХҮНамын нийслэлд нэр дэвшигчдийг бүртгэсэн Нийслэлийн сонгуулийн хорооны тогтоолыг түдгэлзүүлсэн захирамжаа шүүгч өнөөдөр буюу 2020 оны аравдугаар сарын 5-ны өдөр хүчингүй болголоо. ХҮНамын 27 нэр дэвшигч Нийслэлийн ИТХ-ын 2020 оны сонгуульд оролцохоор боллоо.

Монгол Улсын Үндсэн хуульд заасан иргэдийнхээ сонгох, сонгогдох эрхийг хамгаалахын тулд өнөөдрийг хүртэл хийсэн бидний тэмцэл амжилтад хүрч, ардчилал, хүний эрх, шударга ёс, эрхзүйт ёс, төрт ёсны хөгжилд бага боловч ахиц гарлаа. Монгол Улсынхаа ардчилсан төрийн сонгуулийг хуулийн дагуу, шударгаар явуулах бидний тэмцлийг хамт дэмжиж ирсэн мянга мянган иргэд, 4-дэх засаглалын төлөөлөл шударга сэтгүүлчид, шударга ёсны төлөө дуу хоолойгоо нэгтгэсэн хүн бүрт талархсанаа илэрхийлье.

Улаанбаатар хотын нийт иргэд ээ! Нийслэл хотоо өөд нь татах, хүнээ дээдэлсэн хот-Аюулгүй хотын төлөө Та бүхэн сонгуульдаа идэвхтэй оролцоно уу. Монгол Улс мандан бадрах болтугай” хэмээн мэдэгджээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

АТГ: УИХ-ын гишүүн С.Батболдыг шалгаагүй, энэ бол худал мэдээлэл

УИХ-ын нэр бүхий 8 гишүүнийг АТГ шалгаж байгаа тул бүрэн эрхийг нь түдгэлзүүлэх болсон тухай хэвлэл

2020-10-27

Өрхийн дундаж зарлага 1.5 сая төгрөг гэсэн судалгаа гарсан, тэгэхээр 2 ахмад нийлээд ч амьжиргааны зардлаа гаргаж чадахгүй байна

УИХ дахь Ардчилсан намын бүлгээс бүлгийн хурлаар хэлэлцсэн асуудлын талаар болон цаг үеийн асу

2020-10-26

Г.Ёндон: Надаас гадна компаниас урамшуулал авч байсан ажилчид бий

Хүүхдийнхээ сургалтын төлбөрийг төрийн өмчит байгууллагаас шилжүүлсэн гэх асуудалд Уул Уу

2020-10-26